2575/2023-2024

Mamit 1st November, 2023 : Tukin zing khan MLA Election 2023 atan Mamit District chhungah Home Voting for PwD and 80+ chu DEO Pu V.L. Remliana'n Mobile Polling Team te DC Complex-ah vailiamna hun a hmang.

DEO Pu V.L.Remliana chuan Election Commission of India chuan India khua leh tui dik tak kum 18 tling chinte’n, ram hmasawnna ruhrel din tura Vote kan thlak hi a ngaipawimawh hle a, kan hma lawka Mizoram Legislative Inthlanpui-2023 lo awm tur atan pawh hian polling station pan theilo kum upa, kum 80 chunglam (senior citizen) te leh pianphunga rualbanlo vohbik (PwD) te tan postal ballot hmanga mahni inluma vote thlak (home voting) a ruahman angin Mamit District chhungah vawiin atangin kalpui tan a ni dawn a, tluang tak leh a mamawh tute’n tangkai taka an lo hman atan leh Home Voting kalpui tura Mobile Polling Team-te duhsakna hlan chungin a vailiam a ni.

Mamit District chhunga Home Voting kalpui hi team 4 ah inthenin, Home Voters Pwd mi 23 leh 80+ mi 23 an awm a, an zinga upa ber chu Pu V.L. Nghaka, kum 100 mi a ni.