2827/2024-2025

Dated Kolasib the 4th November, 2024 : Vawiin khan Kolasib District Election Officer, Pu Robert C Lalhmangaiha chuan Sinlung Hills Council General Election 2024 lo awm tur chungchangah thuthar lakhawmtute a kawm.

Sinlung Hills Council Inthlan vawi hnihna chu naktuk November ni 5, 2024 hian neih a ni dawn a. He Inthlan lo awm turah hian Kolasib District Election Officer chuan Inthlan chungchanga kawng hrang hranga inbuatsaihna an kalpui dan leh an hmalakna te a tarlang a. Democracy ram a nih angin inthlan chuan a huam chin zauin te mahse, sawrkar in a ngaih pawimawh dan a inang reng a ni, a ti. Chuvang chuan theihtawpin Sinlung Hills Council inthlan lo awm turah  hmalakna an kalpui thu a sawi a, District Election Office leh a kaihhnawih a buaipui tu zawng zawng chungah lawmthu a sawi nghal bawk. 

Pu H Lalramliana, Election Officer Kolasib pawhin Election atana an ruahmmanna lian tham zualte a tarlang a. Chungte chu: 

1. Polling station tinah polling party pathum leh  security leh MPRO te tirh an ni. Inthlan zawh veleh Constituency Headquarters, Saipum leh Saiphai pan nghal in vote te hi chhiar zui nghal a ni ang. 

2. Constituency Headquarters ahhian polling materials  te lo dawngsawng turin Receiving counter buatsaih a ni a. Vote chhiar turin Polling Station Pakhat zel atan counting supervisor pakhat leh Counting Assistant Pahnih zel ruat anni bawk.

3. Vote chhiarna tur Counting Center ahte hian Security khauh tak dah an ni a, CCTV te pawh dah vek anni bawk.

4. Vote chhiar hi Returning Officer te enpui na hnuaiah neih a ni anga. Engkim a fel vek chuan Result puan nghal a ni ang.

6. Inthlan hi muanawm taka neih a nih theihna turin ramri duty, venhimna hna thawktute pawh ngawrh taka duty tura ngen an ni a. Anni hian a tul angin hma an la mek a ni.

Kolasib District a Sinlung Hills Council Inthlan neihna turah hian Constituency pahnih; 11 Saipum leh 12- Saiphai te an awm a. Vote nei zawng zawng hi mi 2648 niin Candidate 10 an awm bawk a ni. Vawiina Thuthar lakhawmtute kawmnaah hian Kolasib DIPRO leh MJA members te kalkhawmin Inthlan chungchanga zawhna leh chhanna hun hman nghal a ni.