2828/2024-2025

Saitual, the 4th November, 2024: Vawiin chawhma dar 11:00 am khan Dr. Lalngura Tlau District Bawrhsap leh Disaster Management Authority chairman ni bawk kaihhruainain DC Conference Room-ah November ni 12-a Table Top Exercise leh ni 14-a State Level Mock Exercise on Flood and Landslide Disaster neih tur chungchangah Saitual District Disaster Management Authority Preliminary Review neih a ni.

DDMA Chairman Dr. Lalngura Tlau chuan District Level-a Mock Exercise on Flood and Landslide neih turah Incident commander ten zau zawka ngaihtuahna seng tur leh a hlawhtlin ngei theih nana theih tawp chhuah turin sawrkar department hrang hrangte a chah a, bawrhsap chuan heng exercise neih turte hi tunah tangkai angin langlo mah se, khuarel chhiatna a lo thlen chang hian a tangkaizia a lang thin a ni, a ti.

District Level Mock Exercise on Flood and Landslide neih turah hian mock drill side hi hmun li ah neih tura tih a ni a, damdawi in, building chim, highway-a leimin leh forest fire te a tel dawn a ni. Hemi atan hian incident commander tur ruat nghal niin thawkho tur mock drill side hnaih sawrkar department office-te leh Branch YMA-te rin nghal a ni bawk. Landslide atan hian hmun hnih ruahman niin incident commander atan DC office building hluiah Er. Laldinsanga Hnamte, DUDO leh Keifang old market bulah Pu C Lalfakzuala, SDO, PWD te ruat an ni a, damdawiinah Dr Zothanpari Chhakchhuak, Sr. MO leh Forest fire atan Saihmar Tlang ruahman niin Pu Jonathan Lalhruaitluanga, RO, EF&CC chu commander-ah ruat a ni bawk. Heng mock drill side theuhah hian Observer-te pawh ruat nghal niin Police, Medical leh Quick Response Team-te chu duty theuh tura tih an ni.

He Mock drill neih tur hi National Disaster Management Authority ten live stream-a an lo thlir theih tura pekchhuah tur niin a tul angte DIPRO in mawhphurhna la se tia rel a ni.

Vawiin thutkhawmah hian District Disaster Management Authority memberte bakah sawm bikte atangin line department hrang hrang aiawhte, Govt Saitual College principal, NGO aiawhte leh Quick Response Team, Saitualte an tel thei a ni.