2829/2024-2025

Champhai, 4th November 2024: Vawiin khan Pu Franklin L.Khobung, (IFoS) Joint Secretary (RFS), Department of Agriculture and Farmers Welfare, Ministry of Agriculture and Farmers Welfare, Government of India  chuan Champhai a tlawh a. Kuthnathawktute tana sawrkar hmalakna hrang hrang te a hmunah a enfiah a ni.

Pu Franklin L Khobung hian chawhma lamah District Agriculture Office a tlawh a. He tah huan Pu F Lalmalsawma, DAO Champhai leh a thawhpui ten lo dawngsawngin, Department hnathawh dan leh kalphung te an lo hrilhfiah a, hemi hnu hian Irrigation & Water Resources Office a tlawh bawk a ni.

Pu Franklin L Khobung hian  Agriculture Department in FOCUS kaltlanga an  hmalakna Integrated Farming System Tlangram zau Hmunhmeltha a mi tlawhin loneitute hna thawh dan leh an hmalakna te a enpui a, loneitute hian Integrated Farming System hmanga  an hmasawnna leh a mamawh an lo thlente a ngaihthlak sak a ni.

Pu Franklin L Khobung hian District Horticulture Office, Champhai pawh tlawhin, Pi Lalrinchhani DHO, Champhai in a lo dawngsawng a. Department hmalakna hrang hrang a hmunah kalin a enpui a, heng zingah hian sapthei sawngbawlna tur Cold Storage Complex, New Champhai ami chu a tel a ni. 

Hemi hnu hian Champhai Winery a tlawh a,  an hmunhma leh an hmalakna  te a enpui a. Winery hruaitute kawnna a nei nghal a, changtlung zawk a grape tui siam chhuah  dan tur leh awmze nei zawk a hralh chhuah dan tur te an sawiho a ni. Hemi hnu hian Turmeric Processing Plant, Tlangsam ami a tlawh nghal bawk.

Pu Franklin L Khobung hi Pu F Lalmalsawma DAO Champhai, Pu Tlangtimawia Zote Jt Director Agriculture, Pu F. Laltluangkima Deputy Director Agriculture, RKVY & Planning, Pi Lalrinchhani DHO, Champhai leh Sophie Lalnunpuii Asst Manager Focus ten an tawiawm a ni.