2171/2025-2026

Dated : Mamit the 12th of November, 2025 : Nimin 11th November, 2025 (Thawhlehni) a 2-Dampa(ST) AC Bye-Election neih zawh taka vote tlate endikna Pu M.T Reju, IAS General Observer hovin Pu Malsawmzuala, Returning Officer room-ah neih a ni.

Pu Malsawmzuala,Returning Officer chuan Dampa bial Bye-Election neih zawh takah Election Commission of India-in ruahmanna a siamsa form 17A hmanga vote thlakni tuka endikna neihna tur point hrang hrangte sawizauna a nei a, ECI ruahmanna dungzuia endikna tur (scrutiny) hi nimin Dampa bial Bye-Election inthlanna neih zawh taka complain lut a awm loh thu leh Bawlte Polling Station-a VVPAT thlak ngai awm chu thlak a nih hnuah inthlanna tluang taka kalpui zui leh a nih thu a tarlang a ni.

Pu M.T Reju, IAS General Observer pawhin candidates agent-te chu inthlanna kalpui zawh taka felhlel leh complain ngai sawi tur an neih leh neih loh zawtin felfai leh thianghlim taka inthlanna kalpui a nihna lawm taka an pawm chu lawmawm a tih thu a sawi bawk.

2-Dampa (ST) AC Bye-Election neih zawh takah hian Hruiduk Polling station chu vote tlak thatna ber niin 93.09 a tla a, Zopui Polling station chu a tlakchhiatna ber niin 75.86% a tla thung a ni.

Vawiin Dampa bial Bye-Election neih zawh taka endikna Scrutiny neihna hunah hian Asst Returning Officer-te bakah Candidates Agent te an tel.