2754/2023-2024

Khawzawl, 8th November 2023: Vawiin khan Khawzawl DC Meeting Hall-ah Mizoram Inthlanpui neih zawh taka 22-Tuichang AC viltu General Observer Pu Amit Singh Bansal-a hovin Post Poll Scrutiny neih a ni a. He hunah hian Form 17A ( Register of Votes), Presiding Officers Diaries leh document pawimawh dang te enfiah a ni a; Khawzawl DC, Tuichang Bial Returning Officer ni bawk Pu K. Lalrohlua, Assistant Returning Officer Pu Lalthakima Chhangte leh Pi Lalhruaitluangi, Nodal Officer, Sector Officer leh Political Party aiawhte an tel a ni.

Pu Amit Singh Bansal chuan Post Poll Scrutiny a enfiah tur hrang hrang te inhrilhfiahna hun a hmang a, chung te chu -

1. Poll rigging emaw thil dik lo (malpractice) thlenna Polling Station, inthlan laia Observer, DEO emaw RO hnena thlen (complain) te,

2. Thil danglam bik thlenna (EVM kaihhnawih emaw thil dang) Polling Station, inthlan laia Observer, DEO emaw RO hnena thlen (complain) te,

3. Polling Agent tel lo emaw Polling Agent pakhat chauh awma inthlan kalpuina Polling Station te,

4. EPIC emaw Voter Slip ni lo document hmanga vote thlak za zela 25 aia an tamna Polling Station te,

5. Voter awmlo emaw insawn tawh emaw boral tawh/ roll a dah thuah palh list (Absentee, Shifted and Duplicate/Death List) a awm za zela 10 in vote an thlakna Polling Station te,

6. Bial chhunga vote tla zat chawhrual aia za zela 15 a vote tlak tamna emaw tlemna Polling Station te,

7. Tendered Votes (mi nihna hmanga vote thlak) emaw Challenged Votes - (vote thlaktuin a nihna (identity) lovin vote a thlak tia Polling Agentin a hek) vote 5 chin awmna Polling Station te, an ni.

22-Tuichang bial chhung Polling Station 28-ah hian  a chunga tarlan point pasarih a engemawber thlenna PS a awm loh avangin vawiin Scrunity-ah hian a bika enfiah tur an awm lo a, Scrutiny Papers - Form 17A ( Register of Votes), Presiding Officers Diaries leh document pawimawh dang te hi ‘Strong Room for Scrutiny Papers’ ah dah luh an ni.