MP Election neih tur atana General Observer Pu Rakesh Gupta, IAS chuan naktip 27 March 2014 khian zan khat riak turin Kolasib a rawn tlawh dawn .

In thlan buatsaihna a District chhunga mi pawimawhte tlai dar 3-ah hmuin Kolasib District Election Officer Pu Jitender Yadav, IAS office chamber-ah thil pawimawhte General Observer hian a sawipui dawn a. Team hrang hrang Sectoral Magistrate, Flying Squad, Accounting team, MCMC, Video Viewing , etc. –a Nodal Officer theuhte leh Election buaipuitu mi pawimawhte a kawm dawn a ni. Hemi hnu tlai dar 4-ah political party hrang hrangte, NGO leh MPF hruaitute a kawm zui leh bawk ang. March 27 zan hian PWD Staff Lodge-ah riakin a tukah District chhunga polling station hrang hrangte a tlawh kual hnuah Mamit a pan dawn a ni.

Pu Rakesh Gupta hi Kolasib-a a cham chhunga amah be rawn duh tan a LO phone no. 9856910470 ah biak pawh theih a ni ang.