Directorate of Agriculture (Research & Extension) leh Directorate of Agriculture (Crop Husbandry) bul tumin vawiin khan Agriculture Conference Hall ah Geo Tagging chungchang Training neih a ni.

Agriculture Department enkawlna hnuaia KVK pasarih te nen RKVY hnuaiah vawiin training hi neih a ni a. He training kaihruaitu Pu Vanlalthlamuana, Deputy  Director (R&E) chuan Agriculture hnuaia hmalak tawh dan leh hmalak lehna tur te sawifiahin kut hnathawktute hman tangkai turin in sak te, leilet siampui te, lei dawh te leh thil dangte siam a nih thin dan a sawifiah a. Agriculture hnuaia hmachhawp leh hmabakte hi internet lamah BHUVAN tih hnuaiah en theih a upload a nih zel avangin India rampum atangin online a en leh hmuh theih a nih thu a sawi nghal bawk.