2610/2026-2027

Aizawl the 9th October, 2026: October ni 9, Zirtawpni ah Geological Society of Mizoram General Body Meeting vawi 8-na chu PUC Seminar Hall-ah neih a ni a, hemi hun hi Pu Vanlalhruaia, AMC Exe. Corporator, i/c SD&SM, etc in a hman pui a. GSM member zinga zirna kawnga hlawh tling mi 6 te hnenah lawmpuina pek a ni a. Kum 2026- 2028 chhunga an hruaitu tur mi 6 an thlan chhuak a, chungte chu- Dr. J. Malsawma (MZU), Dr. Jimmy Lalnunmawia (MZU), Dr. V. Vanthangliana (PUC), Prof. Saitluanga (PUC), Malsawmzuala (DGM) leh Prof. Laldinpuia (MZU) te an ni.

General Body Meeting-ah hian agenda pakhat neiin, AMC hnuaia SD&SM-a licensed geologist rawih man (base rate) atana kum 2021 atanga hman tawh, Rs. 10, 000/- chu an ennawn a; tidanglam lovin hei hi la hman leh rel a ni.

Khuallian, Pu Vanlalhruaia hian thusawiin, kan ram dinhmunin a zir loh avanga kan himna atana insiamremin, him zawka kan luah zel theih nana khawsak thiam a tul thu a sawi a. Geologist te chu ram himna pawimawh tak an nih avangin taima taka an thiamna hmang zel turin a fuih bawk. SD&SM dan hman hnuah chhiatna thleng thei laka min veng nia a hriat thu sawiin, dan famkim tawk lohna leh siam that ngaihna lai te pawh rawtna siama sawihovin thawhho zel a tul thu a sawi bawk.

Seminar thupui ‘Advances in Geological Research in Mizoram’ tih chu Dr. Lalrokima Chenkual (Dy Director, DM&R) leh Pu Malsawmzuala (Senior Geologist, DGM) ten an sawi hawng a. Dr. Lalrokima Chenkual hian Mizorama Geology zirna in hma a sawn chhoh dan a sawi bakah, ram himna atana Geologist te pawimawh dan tarlangin, thahnemngai taka thawk zel turin a fuih a. Pu Malsawmzuala hian Geology & Mining Department hnathawh hrang hrangte a tarlang a. India ramah State Mineral Exploration Trust (SMET)-a titha ber an nih thu te, district hrang hranga lung hmun (quarry) awmna leh dinhmun tarlanna map leh report an siam thu a sawi bawk.

Geologist inhmuhkhawmnaah hian mi 90 chuang an tel a ni.