2611/2026-2027

Kolasib: the 9th October, 2026: Vawiin chawhnu khan Brig. C.Vangkunga, Shopping Centre, Kolasib Diakkawn-ah  Ministry of Labour & Employment, Govt. of India hnuaia ''Employees State Insurance Corporation'' (ESIC) North-east Branch Office Kolasib Diakkawn ah hawnna hun neih a ni a. Pu Lalfamkima, Dy. Speaker leh bialtu MLA nibawk chuan khuallian niin Branch Office hi a hawng.

Pu Lalfamkima, Deputy Speaker chuan thu sawiin, ''Employees State Insurance Corporation'' (ESIC) North-east in Kolasibah Branch Office an rawn hawn chu hmasawnna kawngkhat ani thu sawiin lawmawm ati thu a sawi a. Social Security Scheme tha tak anih thu sawiin mipui vangtlangin atam thei anga an chhawr tangkai ngei a beisei thu a sawi. He insurance scheme hi thlatin tlemte deposit a hamthatna tamtak dawn thei a ni thu a sawi a. Damdawiin inenkawlna te, zirna lamah mipuite harsatna sukiangtu insurance pawimawh tak Central sawrkarin a duan a ni thu a sawi.

He 'Employees State Insurance Corporation Branch Office hawnna inkhawm hi Pu Ahtehsan, Deputy Director (ESIC) Northeast Region chuan a kaihhruia, Pu Champak Biswas, Regional Director Northeast region, Pu Anil Kumar Shatu, Insurance Commissioner, Northeast Region, Pu David Lalfakzuala, Asstt, Director, Camp cum Laision Officer, Mizoram leh Pi Helen Zochhingpuii, LESDE Aizawl ten an tel pui a ni.

''Employees State Insurance Corporation'' (ESIC) hi Ministry of Labour & Employment, Govt. of India hnuaia awm a ni a. Sawrkar laipuiin 1948 khan sawrkar atanga hamthatna dawng pha lo te tan a duang a. Kum 1952 khan implement anih thu tarlan a ni. Sawrkar atang a hamthatna dawng phalo- heng Private School-a hnathawk tura mi rawih te, Private Industry a hnathawk te, Mimal factory-a hnathawk te leh sumdawng dawrlian a hnathawk te tana hmathatna thlatin sum tlemte deposit a hamthatna dawn na tur scheme ani thu tarlang a ni a. Thlatin hlawh (income) atanga chhut in a ruai tuin za zelah 3.5% leh a mi rawih in 7.5% deposit-in inziaklut theih ani thu ngaihtlak a ni bawk.

Tun dinhmunah ''Employees State Insurance Corporation'' (ESIC) hi Mizoram chhungah Branch Office pali Aizawl, Lawngtlai, Champhai leh Kolasibah a awm mek a ni.