1947/2023-2024
Aizawl, the 19th September 2023: A hnuaia tarlan ang hian Geology & Mining, Commerce & Industries, Government of Mizoram tunhnaiah leilung hauhsakna haihchhuah leh venhim chungchangah dan pahnih siam that a nih thu leh hemi kaihhnawih hian a hran ve vein mipui hriattur pawimawh a ti chhuak.
PUBLIC NOTICE
India rama minerals enkawina Dan pui, The Mines & Minerals (Development & Regulation) Act, 1957 chu kum 2015 a amend a nih angin a hnuaia minor minerals te enkawina dan "The Mizoram Minor Minerals Concession Rules, 2000" chu siam that a, tih danglam a lo ngai ta a. He dan thar siam hi The Mizoram Minor Minerals (Concession and Prevention of Illegal Mining) Rules, 2023 (MMMCPIM, 23) tih niin 22nd August 2023 khan Mizoram Legislative Assembly-ah pharh (laid) a lo ni ta a. Hemi rual chiah hian "The District Mineral Foundation Rules of Mizoram, 2023" pawh pharh a niin Mizoram Gazette a chhuah a nih veleh hman nghal tur a ni.
He District Mineral Foundation Fund hi District chhung a minerals lak chhuahin a nghawng ram leh mihringte chhawmdawina atan a District Mineral Council in a hman tur a ni.
District Mineral Foundation Rule of Mizoram, 2023 Sec 13(2) Mining Lease/Permit neitu emaw, minor mineral zawn leh lak chhuah phaina (prospecting license cum mining license) neitu tupawhin, The Mizoram Minor Minerals (Concession and Prevention of Illegal Mining) Rules, 2023 dan chhung a Second Schedule in royalty pek tur a tih bakah, mining a tihna district huam chhung tan District Mineral Foundation Fund a pe ngei tur a ni a, chu Fund a pek tur zat chu royalty rate dinglai atanga 10% a ni ang.
(Rule 13 Sec 2},
He District Mineral Foundation Fund hi royalty chhun rual zel a chhun tur a nih avangin he dan thar hi Mizoram Gazette a chhuah a nih atangin danin a huam zawng zawng te'n chawi tel nghal tawh tur a ni tih mipui te kan hriattir e.
PUBLIC NOTICE
India rama minerals enkawina Dan pui, The Mines & Minerals (Development & Regulation) Act, 1957 chu kum 2015 a amend a nih angin a hnuaia minor minerals te enkawina dan "The Mizoram Minor Minerals Concession Rules, 2000" chu siam that a, tih danglam a lo ngai ta a. He dan thar siam hi The Mizoram Minor Minerals (Concession and Prevention of Illegal Mining) Rules, 2023 (MMMCPIM, 23) tih niin 22 khan Mizoram Legislative Assembly-ah pharh (laid) a lo ni ta a. Mizoram Gazette a chhuah a nih velch hman nghal tur a ni.
He Central Act hian dan lova minerals la chhuak a, dan lo bawka phur chhuak a, chhek khawl tute lakah a khauh em avangin MMMCPIM Rules, 2023 hman tan hma atangin mipuite fimkhur a, dan phal loha lung lak, phurh chhuah leh chhekkhawm te ti lo turin kan in hriattir a. Hetiang hian hremna pek theih a ni.
Rule No 46,
1. (a) Mi tu pawh phalna nei lova lung la, chhek khawl leh phur sawn emaw, tu emaw thua tih a nih bakah phurh chhuah phalna Challan (Form-O) tell ova phur emaw, thuneitute'n an tirh hnena Challan en tir duh lo tu chu Kum 2 lungin tan tir emaw, cheng muat nga thleng chawitir emaw, a kawp a hrem theih a ni. Vawi khat man a nih hnu a a ti nawn man anih chuan nitin cheng singnga chawitir theih a ni.
(b) Heng bakah hian phalna lova a minor minerals (lung, balu etc) phurh chhuah tam dan a zirin hremna danga hrem a ni chung pawhin Royalty rate let sawm (ten times) thleng chawitir a ni thei bawk. 2. Mi tu pawhin phalna nei lovin khawi hmun ami pawh minerals la chhuakin/phur sawn sela, a lak chhuahna -khawl leh hmanruate chu man sak theih a ni a.
Department thuneitu emaw, a aiawh Officer emaw, Deputy Commissioner emaw, a aiawh Officer ruat emaw chuan Seizure Memo (Form-R) hmangin a lung lak chhuah leh a hralh tawh hnu pawh nise a tih ralna man leh lak chhuahna ram a lo hman man(rent), royalty leh chhiah dangte a chhuhsak ang. 3. Mining Permit/Lease nung lai nei pawhin, royalty emaw thil dang he Rules hnuaia leiba a neih chuan, leiba thinna chhuah hun tiam chhung ngeiin a leiba te chu 10% simple interest per annum-in a rul ngei tur a ni.
Rule No.47.
Sawrkar leh Agency dang hnuaia Contract hnathawk minor minerals (lung leh balu) hmang tu, Sawrkar Treasury atanga bill la tur te chuan, an hman zat a zir zelin Mining Dues Clearance, Director Geology & Mining hnen atangin an la tur a ni. (He Mining Dues Clearance la tur te chuan an mahni chhawr tu Department/Agency a Officer ten an hnathawh chhutna, Bills of Quantity leh Mining Permit/Lease neitute hnen atanga minor minerals an leina, Challan(Form-O) te an rawn keng ang).
