Vawiin khan Geology & Mining lama mi thiamte chuan Lawngtlai SDO (Sadar) Pi Rochuangkimi Khenglawt hovin Lawngtlaia lei chetna hmun hrang hrang an en fiah a. Chhiatna nasa zawk thleng thei laka inven dan tur leh hma lak dan tur hrang hrang an zir chiang.

He’ng Lawngtlaia lei chetna leh minna te hi pialtlep a ni deuh vek a, in sak dawnin mi thiamte kaihhruaina hnuaiah ruahmanna fel tak nen hma lak thin ni se, he’ng chhiatna thleng thei lakah hian inven a awlsam deuh an rin thu an sawi a. Drainage system mumal lo chuan harsatna a thlen thin avangin, tui luankawr tha tak siam a pawimawh thu an sawi bawk.