Zan khat riak tura vawiina Aizawl lo thleng, Kolkata-a Germany Consul General Rainer Schmiedchen chuan Chief Minister Pu Lal Thanhawla chu vawiin chawhnu khan a chenna bungalow ah hmuin an inkawm.

Consul General chuan economics lama India leh Germany thawhdunna ah, Kolkata atanga Mizoram chu a bial ami anih thu Chief Minister chu a hrilh a. Aizawl alo thlena Mizote chezia a hmu chu hlimawm a tiin, amah chu a khawih hle a ni a ti a. Thalaite tana Germanyah technical lama zirna sang zawk an neih theihna tura hmalak a inhuam thu te a sawi a, Visa pawh awlsam zawka pek theih dan dappui a inpeih a ni a ti. Hengte bakah hian Pu Rainer chuan hmasawnna chak zawk Mizoramin a neih theih nan Germany chu tanpuitu nih a inpeih reng a ni a ti bawk.Chief Minister chuan Mizoram leilung hausaknate zawnchhuah hna thawh mek anih thu alo hrilh bawk a ni.

Vawiin chhun khan Chief Minister  hian India Foreigh Secretary Pu Ranjan Mathai Aizawl a cham mek chu a pualin chaw chhun a lo buatsaih sak bawk a ni.