Aizawla Assam Rifles Quarter Guard kawt a Laipui pahnih awm thin, 1st Assam Rifles ten Aizawl an chhuahsan paha an ken tel tak zel, lak let leh anih theih nana Indian National Trust for Art and Cultural Heritage (INTACH) Mizoram pawhin nasa taka tha alo thawh tawh, Chief Minister Pu Lal Thanhawla tawiawmna pawh an lo ngen tawh thin chu, Pu Lal Thanhawla hmalakna avangin hmuh let leh ngei a ni dawn.

Chief Minister Pu Lal Thanhawla chuan INTACH ina hma alo lak tawhnate chu fakawm tiin, hmuh kir leh ngei anih theih nan, Union Home Minister P.Chidambaram’n Mizoram a rawn tlawh tum khan alo sawipui tawh  a. Tunhnai maia Plan Discussion nei tura Delhi a kal leh tum khan Home Minister leh Assam Rifles Director General, Major General R.K.Lakhanpal te sawipui lehin, Chief Minister ngenna avang leh Mizote rilru rawn ngaihpawimawh avangin kumin 15 May, 2012 hma ngeia Mizorama rawn dah kir leh (Laipui) Chief Minister hi an lo tiam a ni.