Vawiin khan Govt. Mamit Higher Secondary School, Mamit-ah Commissioner for PwDs, DPO leh DEO Mamit tangkawpin an buatsaih Awareness Campaign on the Right of Persons with Disabilities Act, 2016 chungchang inhrilhhriatna hun hman a ni a. Dr. Lalnunthara, Commissioner, Persons with Disabilities chuan khuallian niin he hun hi a hmanpui.
Khuallian chuan rualbanlote nunah entawn tur tha tam tak a awm thu sawiin Pathianin anmahni-ah theihna nasa tak a dah a ni a ti. Tumna tak tak nei chung leh Pathian rawn chunga thahnemngai taka thawh chuan tih theih loh a awm lova, mitinin talent kan nei vek a, kan tihpun duh leh duh lovah a innghat a ti bawk.
Commissioner, PwD chuan Pathian thu hmangin pianphunga rualbanlote kan en dan tur a tarlan bakah khawvel hriat rualbanlo mi larte tehkhin nana hmangin kalkhawmte a fuih bawk.
He hun hi Pu K. Lalmakthanga, Lecturer, GMHSS-in kaihruaiin Pi Lalnunthari, DEO, Mamit-in kalkhawmte hnena lawmthu sawina a nei a ni.
