Vawiin khan Mizoram Chief Secretary Pu Arvind Ray hovin sawrkar mi pawimawhten Chief Secretary Conference Hall, New Secretariat Complex-ah sawrkar thar lak luh ‘swearing in ceremony’ neih dan tur leh a kaihhnawih thil pawimawh te an rel.

Mizoram Legislative Assembly inthlanpui neih zawh takah vote chhiarna hun hi December ni 11 ah neih a ni dawn a. Sawrkarna chelh mektute term hi December ni 15 ah a tawp dawn tak avangin sawrkar thar siam turte lak luh dan tur ruahmanna vawiin meeting-ah hian duan chhin a ni. Swearing in ceremony hi December ni 15 ah Mizoram Governor chenna Raj Bhavan- ah neih tum a ni a. Governor Pu Kummanam Rajasekharan chuan rinawmna thu tiam tirin Chief Minister leh Council of Minister tharte hi a la lut dawn a ni.