Taxation Department, Kolasib Zonal Office buatsaihin vawiin khan Goods & Services Tax (GST) Awareness and Training Programme I & PR Confereence Hall, Kolasib-ah neih a ni a. Pu R. Zosiamliana, Deputy Commissioner of Taxes, Mizoram-in he hun hi a hmanpui.

Pu R. Zosiamliana chuan GST nihphung leh kaihhruaina te, khuh hawnna a nei a. He dan thar hi India rampumah 1st July hman tan a nih dawn avangin mipuite leh abikin sumdawngten anih phung kan hriatchian angai a ni a ti a. Chiang zawka GST kalphung kan hriat theih nan Taxation Department, Mizoram chuan District tinah Awareness Campaign sumdawngte hnenah a kalpui mek zel a ni a ti bawk.

India ram pumpuiah chhiah lakna dan thar, Goods and Services Tax (GST) chu ni 1st July, 2017 atang hian hman tan a ni dawn a. He dan thar hian sumdawng bungraw zuarte leh services hnuaia kum khata cheng nuai sawm leh a chung lam lei chhuakte bakah State pawn lam atanga hralh tura bungrua la luttute chu GST hnuai-ah in register ngei tur a ni. 

Vawiin training programme-ah hian Pu Lalthansanga, Assistant Commissioner of Taxes, Kolasib, Vanlalruata Ralte leh KH. Thanchhunga, Inspector of Taxes ten sumdawngte hnenah GST hnuaia Migration, Returns leh Payment tihdan tur zirtirna an pe a. Zawhna leh chhanna hun hman ani bawk.

Pi Mona Zote, Suprintendent of Taxes, Kolasib District in he hun hi a kaihhruai a.  Kolasib District chhunga sumdawng in register tawh zawng zawng hi 199 an ni a, vawiin training ah hian 139 an kal a ni. Hei bakah hian Common Service centre atang leh mi thahnemngai te trainingah hian an tel a ni.

Attachment

  • Loading attachment...