Assistant Commissioner of Taxes, Kolasib chuan vawiin khan I&PR Conference Hall, Project Veng Kolasib-ah Goods & Services Tax chungchanga sorkar hnathawk te leh sumdawng te hriattur pawimawh inzirtirna hun an buatsaih.

Training hi Kolasib Zone huamchhunga mite tan buatsaih a ni a, chhawng hniha neih niin chawhma lamah sumdawng te tan zirtirna neih a ni a. GSTR3 leh GSTR123 hnuaia form fillup dan leh chhiah pek dan tur te tarlan a ni a. Pu Vanlalruata Ralte leh Pu KH Thanchhunga, Inspector of Taxes ten zirtirna an pe a ni.

Chawhnu hunah hian Kolasiba sorkar office a hotute leh DDO te Works Contract leh Tax Deduction at Source chungchangah zirtirna pek an ni ve thung a. He hun hi Deputy Commissioner Dr.Arun T. IAS in a hmanpui a. Pu Lalthansanga, Asst.Commissioner of Taxes, Kolasib chuan zirtirna hi a pe a ni.