Tukin khan Pu Lal Thanzara, I&PR Minister  chuan Goverment Aizawl College New Campus  hmun hma leh a panna kawng,  Mualpui, Salem Veng ami chu  tlawhin a enfiah. 

He hunah hian Govt. Aizawl College New Campus  panna tur kawng te uluk taka enfiaha zirchian a ni a, remchang leh awlsam zawka College Campus hi kalpawh anih theih nan kawng  awmsa te chu  chei that  tum a ni a. Kawng pakhat chu World Bank Road atanga bypass road  Meter 456-a thui double lane a siam nise, a dang leh chu Salvation Army Officers’ Training College atanga panna  Meter 376-a thui kawng chu Alternate Exit Road atana ruahmana siam that nise ti a pawm a ni.  Building sakte pawh I&PR Minister Pu Lal Thanzara chuan a enfiah nghal a ni. 

Govt. Aizawl College New Campus  ram hi 9.32 Bigha a zau a ni a. Tun dinhmunah Cheng nuai 300 (SPA) hmanga sak Commerce Block, Cheng nuai 70 (RUSA) senga sak  Cafeteria leh Student Common Room, Cheng nuai 40 (UGC) seng a sak  Womens’ Hostel, Parking area leh Volley Ball Court te siam a ni. Ruahman dan chuan Campus chhungah hian Academic building, Administrative building, Auditorium leh Library te cheng vaibelchhe 12 senga sak tum a ni a, Detail Project Report (DPR) te pawh peihfela thehluh vek tawh a ni. NLCRP kaltlanga sum dawng thei tura beisei a ni a, he project hi Non Lapseable Central Pool of Resourse (NLCPR)  Retain list 2014-15 ah a awm mek a ni. 

I&PR Minister Pu Lal Thanzara hi PWD hotu te, H&TE hotu te leh Govt. Aizawl College lama zirtirtu ten an tawiawm a ni.