Mizoram State Health Care Scheme kalpui zel dan tur chungchang ngaihtuahin vawiin khan MSHC Society Governing Body chu Co-Chairman, Health Minister Pu Lalrinliana Sailo hovin Secretariat Conference hall-ah an thukhawm.

 

 

Kum 2008-2009 chunga Mizoram State Health Care Scheme kalpui danah Insurance company hmanga he Scheme kalpui chuan harsatna tam tak a lo thlen tawh avangin Mizoram Health Care Scheme chu Self-Funding/Self Insurance ang zawnga kalpui turin hma lak mek a ni a. Vawiina Governing Body thukhawm chuan ruahmanna thar (proposal)chu thlir hovin he scheme in a huam chin tur te, sum ruahman zat leh damlo ten an senso an hmuh let theih tur chin te, Labour & Employment Ministry hnuaia Rashtriya Swasthya Bima Yojana (RSBY) scheme te nena kalpui theih dan kawng te leh he scheme in a kaihhnawih tur thil pawimawh te an sawi hova. Governing Body chuan May 18 a ADB hotuten Mizoram an rawn tlawh leh huna revised plan lo theh luh tur buaipui turin Sub-Committee a ruat nghal a ni.

Vawiin-a Governing Body meeting hi Pu S.Laldingliana Parliamentary Secretary (H&FW), Pu P.L.Thanga, Secretary Planning Board leh Chief Secretary Pu Vanhela Pachuau, Health Secretary te pawhin an telpui a. Sub-Committee chairman atan Pu P.L.Thanga chu ruat a ni.