2486/2023-2024

Hnahthial the 25th October 2023: District Election Office, Hnahthial leh Electoral Literacy Club, Government Hnahthial College (GHC) tangkawp chuan nimin khan Systematic Voters’ Education & Electoral Participation (SVEEP) pualin College week lawmna ah zirlaite tan extempore speech competition a buatsaih a. A tithate lawmman semna chu vawiin khan College Auditorium ah week closing function rualin ropui taka neih niin Hnahthial District SVEEP Nodal Officer leh DIPRO ni bawk Pi K Ngosai chuan a hmanpui a ni.

He competition hi Election Commission of India ruahmanna angin college zirlaite leh thalaiten e-roll a inziahluh an ngaihpawimawh zual theihnan a buatsaih niin thupuiah “e-roll a inziahluh pawimawhna” tih thlan a ni a, college week a House 3 atangin mi 2 theuhin extempore speech hi sawiin an intihsiak a ni. Vawiina lawmman pakhatna dawngtu hian pawisa fai cheng 2000 bakah certificate a dawng a, pahnihna in pawisa fai cheng 1500 leh certificate dawngin pathumna lawmman dawngtu chuan pawisa fai cheng 1000 leh certificate a dawng a, participant zawng zawng ten certificate an dawng theuh bawk a ni. He competition a titha lawmman dawngtute chu :

1) C Rodingliana, 3rd semester

2) Esther Lalramdini, 5th semester

3) PC Lalhlimpuia, 5th semester te an ni