Vawiin khan Govt. Khawzawl Khawzawl chuan  Freshers Social cum Graduation Day an hmang.


Govt. Khawzawl College Multipurpose Hall a Freshers Social cum Graduation Day lawmna, Student's Union bultuma buatsaihah hian Govt. Khawzawl College Principal Pu R. Lalrintluanga chuan, Govt. Khawzawl College in an College atanga zirlai Pass chhuak te thlahna leh zirlai lut tharte lawm luhna hun an hmang leh thei chu lawmawm a tih thu a sawi a. BA Final Result tih chhuah takah Govt. Khawzawl College in kumdang result an pha lo chu pawi a tih thu sawiin, heti chunga zirlai Pass chhuak thahnem tak an nei chu lawmawm an tih thu leh zirlai Pass tharte chu an kal leh zelna turah duhsakna hlanin, ram leh khawtlang leh chhungkaw tana innghahna tlak ni turin a fuih a. BA zir tan turte pawh Govt. Khawzawl College tihmingthatu nih tum turin leh result tha tak an neih theihna turin a tir atanga theihtawp chhuah nghal turin a fuih a ni.


Govt. Khawzawl College in Freshers Social cum Graduation Day-an hmanna hunah  hian zirlaiten Cultural Show leh Items chi hrang hrang entirin zirlai lut tharte puala inhmelhriattirna neih a nih bakah zirlai passed tharte hnenah lawmpuina Certificate hlan an ni a. College zirtirtute leh zirlai Pass chhuak ten thu an sawi bakah tlaiah chawhlui an kilho a ni.