Vawiin khan DC Conference Hall-Mamit-ah India Independence Day vawi 73-na hman dan tur relin Dr. Lalrozama, District Bawrhsap, Mamit hoin thutkhawm a ni.

Meeting-ah hian Independence Day hi Mamit GSA Playground-ah zing dar 9:00 am-ah hman nise tih a ni a. Khuallian hnam puanzar pawtpharh tura Sawrkarin a ruat Pu Lalruatkima, Minister chu lawm taka lo dawnsawn nise tih a ni bawk. Indenpendence Day lawmna atan hian hnam puanzar chibai buk tur parade contigents-ah hian School contingents atangin 15 leh Armed contingents 1 beisei an ni a, tun hnaia ding thar Student Police Cadet High School leh Middle School atangin Parade-a tel tur hian beisei an ni. VIP At Home DC Bungalow-ah neih nise tih niin I-day denchhen hian Mamit khawpui chhunga Home hrang hrang bakah District Hospital leh District Jail-te khuallian tlawh tur atan Meeting-ah hian thlanfel nghal a ni.

India Independence Day hian Sawrkar Office leh hmun pawimawhah te hnam puanzar zing Ni chhuah hmain zar nise tih a ni a, Mipui leh Sawrkar Officials te he Ni-ah hian kokim zawka kan tel theih nan Mamit khawpui chhunga Kohhran leh pawl hrang hrangte chu Programme dang siam lo tura ngen nise tih a ni bawk.

India Independence Day lawmna Mamit-a neih turah hian Sawrkar Department hrang hrangte chanvo inpek niin mawhphurhna theuhte tha taka hlenchhuah nise tih a ni a, I-Day lawmna atana thurelte bawhzui tur hian Pu Jacob Lalawmpuia, Addl.DC Chairman-na hnuaiah Sub Committee din nghal a ni.  I-Day denchhen leh lawmna ni pahfawm hian Football, Volleyball leh Badminton-ah te Tournament buatsaih an dilna chu pawmpui nise Meeting hian a ti bawk.

Vawiin Meeting-ah hian Mamit khawpui chhunga Sorkar Officials te, tlawmngai pawl hrang hrang, khawtlang hruaitute, khawpui chhunga Sports Discipline hrang hrang hruaitute bakah thutharthehdarhtute an tel a ni.