621/2024-2025

Dated Aizawl, the 31st May, 2024: Vawiin khan Governor Dr. Hari Babu Kambhampati chuan Dr. Vasanth Kumar, M.D., Senior Physician, Apollo Hospital, Hyderabad in  ‘Presentation and Talk on Lifestyle Diseases and Diabetes’ a neih chu Durbar Hall, Raj Bhavan-ah kuallian niin a hmanpui.

He hunah hian Governor chuan tunlai khawvelah chuan taksa sawizawi tlem luatah natna hrang hrang – zunthlum, BP sang leh a dangte a lo hluar tak em avangin mahni taksa leh rilru hriselna theuh ngaihpawimawh a tul thu a sawi a. Hriselna chuan nitin hnathawhnaah te leh thutlukna siamna kawngahte pawh nasa taka a nghawng theih avangin mitin chu mahni hriselna ngaihthah lo turin a chah a ni.

Governor chuan Dr. Vasanth Kumar-a presentation leh inkawmhona hman chu hlawkthlak a tih thu sawiin he hun chhimtu zawng zawngte chuan mahni rilru leh taksa hriselna an ngaihpawimawh thar phah ngei a beisei thu a sawi bawk.

He hunah hian tunlai kan nundan thalo avanga natna hrang hrang, a bikin diabetes a thlen dan te bakah nundan leh ei leh in tur ngaihpawimawh a tulna te thlir ho a ni a. Dr. Vasanth Kumar-a chuan hemi chungchanga inzirtirna leh inhrilhriat a pawimawh avangin he hun chhimtu zawng zawngte chu midang hnenah pawh lo hrilh chhawng turin a chah nghal a ni.