3972/2023-2024

Aizawl, 27th February 2024: Ephatha Society of Mizoram for the Deaf and Hard of Hearing leh Ali Yavar Jung National Institute of Speech & Hearing Disabilities (Divyangjan) te tangkawp buatsaih, Diagnostic & Fitment Camp for Hearing Impaired chu Ephatha Special School, Kulikawn West-ah vawiin chawhma khan neih a ni a. He hun hi Governor Dr Hari Babu Kambhampati chuan khuallian niin a hmanpui.

Governor Dr Hari Babu Kambhampati chuan mimal thahnem ngai leh pawl thenkhat, mi harsa zawkte dikna leh chanvo humhalhna tura thawktute chungah lawmthu a sawi a. Ephatha Society chu Beng hriatna lama harsatna nei te tanpuina kawngah rawngbawlna zahawm tak tak an thawh avangin fakawm a tih thu a sawi. Governor chuan pianphunga mi dangte phak lo te pawhin zahawm tak leh mawihnai taka khawsak an phu vek a ni a ti a. Kan chhehvela kan hmelhriatte zingah pianphunga harsatna tawk an awm chuan tanpui kan inhuam tlang tur a ni a ti.

Vawiin a Diagnostic & Fitment Camp for Hearing Impaired buatsaihna senso atan hian Governor chuan a thlawpzia lantirin pawisa fai Rs 50,000/- a thawh a. He camp buatsaihtu zinga mi, Ali Yavar Jung National Institute of Speech and Hearing Disabilities te chu an hmalakna tha a tih thu hrilhin hetianga camp buatsaih ngawt lo deuh a hmalakna huang zauh turin a chah a. Ephatha Special School Board ten an hmunhma chei that an duhna te pawh Ministry of Social Justice & Empowerment a thlen hmasa tur leh amah pawhin hma lak pui a in huam thu a sawi a ni.

He official function-ah hian Governor chuan beneficiary-te leh zirlaite hnenah Hearing Aids a sem a ni.