3973/2023-2024

Dated Serchhip, the 27th February, 2024: Vawiin khan District Legal Sevices Authority (DLSA) buatsaihin Serchhip District Chhiahtlangah Mental Health Camp buatsaih a ni a, a thlawna inentirna free clinic neih zui nghal a ni.

Hawnna inkhawm tawi hi District Legal Services Authority (DLSA) Secretary Pi Josangzeli Tlau chuan a kaihruai a, he programme buatsaih a nih chhan tlangpui a sawi a. Pi Jane Zodingliani Lailung, Clinical Psychologist, Serchhip District Hospital hnen atangin Rilru Hriselna- ‘Mental Health’ awmzia leh chumi chungchanga hriattur pawimawh leh tulte, harsatna hmachhawn dan leh hriattur pawimawh hrang hrangte a sawi a. Pu L Biaktluanga, Supirentendent District Jail chuan lawmthu sawiin programme hi a khar a ni.

Hawnna Programme hman zawh hian he programme denchhen hian Medical Inspection Room ah -Dr K Lallawmzuala, Medical Specialist, Serchhip District Hospital leh a thawhpuiten jail tang te hriselna dinhmun a thlawn a endik sak na (Free Medical Health Camp) a neih bakah rilru lama harsatna neite tan Psychiatrist leh Nurse ten an mamawh ang zelin jail tang te nen in kawmna hun an hmang bawk a ni.

Vawiin program hi Serchhip District Chief Judicial Magistrate (CJM) Pu R. Malsawmdawngzuala leh a thawhpuiten an hmanpui bawk a ni.

Tun dinhmunah Serchhip District Jail Chhiahtlangah hian jail tang Mipa 50 leh Hmeichhia 8 an awm mek a ni.