1617/2023-2024
Aizawl, the 23rd August 2023: Governor Dr. Hari Babu Kambhampati chuan a Twitter Handle kaltlangin Kurung lui chunga relkawng siam mek a chim avanga hnathawktu zinga nunna hlu tak chan an awm chu pawi a tih takzet thu a sawi a. Heng vanduaina tawk ten an kalsan tak, an chhungte a tawrhpui tih a sawi.
"Aizawl aṭanga km 20 vela hla Kurung lui chunga rel kawng siamna hmuna chetsualna rapthlak tak thleng hian min thawng tak zet a. Tun hunah hian heng mi zahawm tak tak, an hnathawhna hmuna nunna chan ta te hi kan rilruah a khat a, an chhungte pawh kan tawngtaipui mawlh mawlh," a ti.
Official-te hnenah thil awmdan leh chhanchhuah hna kalpui mek dan te ka zawt tawh a. Tunah hian NDRF Team, DDMA QRT leh SDRF Unit te'n a hmunah theihtawp an chhuah mek a ni".
