2170/2023-2024

Aizawl, the 5th October 2023 : Larsap Dr. Haribabu Kambhampati chuan vawiin khan Raj Bhawan Durbar Hall ah Mizoram State Information Commission a Chief Information Commissioner ni turin Pu John Neihlaia IPS (Retd.); Information Commissioner ni turin Pu Mangjangam Touthang IIS (Retd.) leh Lok Ayukta Member ni turin Pu Lalsanglura MPS (Retd.)te a la lut.

Chief Secretary Dr. Renu Sharma in an pathum ruatna lehkha Mizoram Sawrkarin a tihchhuah te a hran hran a chhiarchhuah hnuin Larsap chuan Oath of Office tiamtir zelin a la lut a ni. Vawiin Swearing-in-Ceremony ah hian Pu Pu Lalsanglura MPS (Retd.) chu Member, Lok Ayukta atan lakluh hmasak niin a dawtah Pu John Neihlaia IPS (Retd.) chu Chief Information Commissioner atan lakluh a ni leh a. A tawpah Pu Mangjangam Touthang IIS (Retd.) chu Information Commissioner atan lakluh a ni.

Heng mi pawimawh te lakluhna inkhawmah hian Chief Minister Pu Zoramthanga, Deputy Chief Minister Pu Tawnluia bakah Minister leh MLA te an tel a. Sawkar hotulu pawimawh an tel bawk a ni.

Chief Information Commissioner Pu John Neihlaia IPS (Retd.) hi June ni 7, 1963 ah piangin thiamna lamah BA a ni a. 1986 ah Mizoram Police Service zawmin Mizoram Police hnuaia post hrang hrang a chelh hnuin kum 2011 ah IPS atana lakluh niin Mizoram pawn – Delhi Police leh Arunchal Pradesh Police ah te post hrang hrang chelh leh a ni. December 2018 khan IGP ah kaisangin a pension thlengin IGP a ni. Kum 2019 khan President’s Police Medal for Meritorious Service a lo dawng tawh bawk a ni.

Information Commissioner Pu Mangjangam Touthang IIS (Retd.) hi March ni 1, 1963 ah piangin thiamna lamah B.Sc. niin Diploma in Broadcast Journalism, Cardiff, Wales, UK atangte leh Journalism kaihhnawih thiamna IIMC atangin leh hmun dangte bakah training hmun hrang hrang atangin a nei bawk a. IIS a nih chhung hian Aizawl, Kohima, New Delhi ah te AIR, DDK leh PIB ah te post hrang hrang a chelh a. Kum 1996 atangin 2006 thleng PIB Aizawlah a lo thawk tawh bawk a ni.

Member Lok Ayukta Pu Lalsanglura MPS (Retd.) hi a service chhungin Mizoram Police hnuaia post hrang hrang a chelh bakah 2007 khan UN Mission Timor Leste Island ah te a service a. Mizoram Lokayukta Act 2014 Amendment Drafting Committee ah Invitee Member a lo ni tawh bawk a ni.