No.4178/2021-2022

Aizawl, the 4th March 2022:  Vawiin khan Governor Hari Babu Kambhampati chuan Ailawng ram chhunga Zopar Export Pvt.Ltd in a enkawl mek Pangpar Huan leh Reiek Tlang a tlawh.

Vawiina Pangpar Huan leh Reiek Tlang a tlawhnaah Governor Hari Babu Kambhampati chuan Mizoram chu a mawi em em a ni tih zep rual a ni lo a. A leilung bakah state chhung sik leh sa te chu Theirah leh Pangpar ten an ngeih em em tih a chiang a. Hei hi sumdawnna ang hawiin kan belh chian a ngai a ni a ti.

Governor chuan Mizo thalai zingah entrepreneur tha tak tak an awm tawh a. Kan thalai thluak tha leh a ngaihna hria te hian Tourism, Horticulture leh Floriculture huangah sum tam tak a awm a, state tan sum tam tak an thawk chhuak thei tih hria se a duh thu a sawi a ni. 

Horticulture, Floriculture leh Tourism huangah hian kan sumdawng hausate leh pawisa ngah deuh te pawhin sumdawnna nei tan se Mizoram tan sum hnar tha tak a awm thei dawn a ni a ti a. sumdawnna leh Khualzin hip turin state mipui te rilru inhawn pawimawhna a sawi tel bawk a ni.


Attachment

  • Loading attachment...