32/2022-2023
Aizawl, the 4th April 2022: Mizoram tana Central Sawrkar dawr a New Delhi a cham mek, Governor Hari Babu Kambhampati chuan vawiin khan Pu G.Kishan Reddy, Union Minister for Ministry of Development of North Easter Region ( DoNER) chu a office-ah a kawm a. He hunah hian Mizoram in project pawimawh tak tak a thehluh DoNER atanga sanction rawn kal tura beisei mek te an sawi dun a ni.

DoNER Minister Pu G.Kishan Reddy hnenah hian Governor Hari Babu Kambhampati chuan Mzioramin project a thehluhte chu a Mizoram tana a pawimawhna te leh a hmanhmawh thlak dan te chiang taka sawiin a theih anga hmain rawn sanction sak turin a ngen a ni. Governor leh DoNER Minister inkawmnaah hian PM DeVINE hnuaia project te, P&E hnuaia project pawimawh tak tak thehluh te, Tourism Department hnuaia project thehluh te leh a dang te pawh sawi a ni a. DoNER Minister chuan heng project thehluhte hi lo enzui a nih tur thu a sawi a ni.