33/2022-2023

Aizawl, the 4^th April 2022: Vawiin khan School Education Minister Pu Lalchhandama Ralte chuan hmar tlangdung a tlawh a. Hnathawh mek te a hmunah a tlawhin a endik.

Mauchar leh Palsang khuaah Hmarlam tlangdung inkalpawhna kawngpui siam mek te leh feh kawng thhenkat siam mek te a endik a. Heng kawngpui hian heng lai hmun te chu Aizawl atanga tlawhpawh awlsam zawka a siam dawn bakah hmasawnna kawng tam takah a thlen dawn niin a sawi a ni. Kawngpui bakah Mauchar leh Palsang mamawh tui lak pawh chak takin thawh a ni tih a sawi a.   Solar pumping water supply scheme chu kalpui mek a ni a ti bawk.

Minister chuan zirna lamah pawh Zirtirtu indaih lohna hnawhkhah zel a ni a, kawng hrang hrangin hmasawnna hna thawh a ni a, sorkar flagship programme SEDP pawh tihlawhtling turin sorkarin hma a la mek a tih a sawi a. A dawng thei thlangtu tur Village level Committee pawh khaw tinah din thuai a ni dawn a, a thawh khatnaah cheng singngain bul țan a ni dawn a, instalment dang pawh sem a ni zel dawn a ti bawk a ni.

Kum hnih vel zet sikul hawn tawh loh hnuah naktuk April 5, 2022 ah Sikul hawn tur a lo ni ta a, naupangte chu lehkha zirtir mai lova, lo titlangnel hmasaa hripui laka fimkhur dan turte pawh lo zirtir tur in zirtirtute a chah a. Devotion neih hunah leh hun remchangah te  “Aw nang kan Lal kan Pathian”  tih hlate chu sak tura ruahman a ni a ti.