570/2023-2024

Aizawl, the 25th May, 2023: Governor Dr. Hari Babu Kambhampati chuan vawiin chawhma khan Raj Bhavan-ah High School Leaving Certificate leh Higher Secondary School Leaving Certificate Examination 2023 result chhuak taa pakhatna dinhmun hauh tu zirlai te lawmpuina thilpek a hlan.

Governor Dr. Hari Babu Kambhampati chuan Zirlai titha zual te chu an hlawhtlinnaah lawmpui tih sawiin an kal zel a turah duhsakna a hlan hmasa a. A mal te tein Zirlai te hi an thil tum te a zawt a, an nih tum te an nih theih nan theihtawp chhuah chhunzawm turin a fuih a ni.

Tunhnaia Mizoram Board of School Education(MBSE) in HSLC Exam leh HSSLC Exam 2023 a tih chhuah takah khan Cynthia Lalhlupuii Shangpliang d/o Kyrshanbor Shangpliang, St. Paul's Higher Secondary School, Aizawl chu High School Leaving Certificate Examination, 2023 topper a ni a. Pawl 12 result bikah Jonathan Lalhruaitluanga s/o C. Lalduhawma, St. Joseph Higher Secondary School, Hnahthial chuan Science-ah pakhatna a hauh a. Vanlaldika s/o Lalfakawma Hauhnar, St. Paul's Higher Secondary School, Aizawl  chu Commerce-ah pakhatna a ni a, Rodinpuia Ralte s/o Lalremruata, Home Missions School, Aizawl chu  Arts stream-ah topper a ni thung.