571/2023-2024

Dated Serchhip, the 25th May, 2023: Vawiin khan Serchhip DC Meeting Hall ah Serchhip District Level Committee on Green Mizoram Day te chu Pu James Lalnithanga, Addl. DC hovin an thukhawm a. Kumin June ni 9 a lo thleng tur Green Mizoram Day hman dan tur an rel.

Member Secretary Pu Lalbiakchama Chawngthu, DFO, Thenzawl chuan kum hmasa lama hman dan leh State Level Committee in kumina hman dan tur ruahmanna a siamte report a pe hmasaa, chumi hnuah Serchhipa hman dan tur hi ruahmanna duan a ni.

A hawnna inkhawm DC Conference Hall-a buatsaih ni se, chumi hnuah Serchhip Hmar Venga District Sports Complex chhehvelah thingphun hnatlang buatsaih zui ni se tiin ruahmanna an siam a ni.

Kumin Green Mizoram Day thupui atan hian “Thingphun ila, enkawl zui ang u” tih  thlan a ni. Green Mizoram Day hi June ni 11 a hman a ni thin a, kuminah hian Pathianni anih avangin State Level Committee chuan June ni 9 ah hman ni se tiin a rel a ni.