571/2023-2024
Lunglei the 25th May, 2023 – Pu Liansangzuala Chhakchhuak, Additional District Magistrate, Lunglei chuan 24th May 2023 khan a hnuai ami ang hian thuchhuah a siam.
Engineer-in-Chief (Planning), Public Works Department, Government of Mizoram hnen atanga ngenna kan hmuh angin Phairuang leh Bunghmun inkar a lei (Bailey Bridge) hi a hlui tawhin siamthat ngai tawh tak a ni a.
Chuvangin, kei, Liansangzuala Chhakchhuak, Addl. District Magistrate, Lunglei District hian Sec. 133 f(ii) of CrPC 1973-in thuneihna min pek angin a hnuai a mi ang hian thupek ka chhuah e,
1. De lui-a Bailey Bridge-ah hian lirthei lian (2 axle vehicle) reng reng chu 10.00MT aia rit kaltlang phal a ni lo. Hei hian two wheeler leh Light Motor Vehicle a huam lo ang.
2. Lei hi vawikhatah lirthei pakhat aia tamin zawh phal a ni lo.
He thupek hian thu leh awm hma chu puan a nih atanga thla 2 (hnih) chhung a huam anga, he thupek zawm lote chu IPC Section 188 hmangin hrem theih an ni ang.
He thupek hi vawiin ni 24 May, 2023 hian Court Seal-a nemnghetin ka hming ka ziah hnan e.
