1070/2022-2023
Aizawl, the 28th June 2022: Vawiin chawhma khan Governor Hari Babu Kambhampati leh Dr SK Prasad, founder member and advisory council member, Indian Technology Congress Association ( ITCA), Bangalore te chu Raj Bhavan-ah an inkawm a. He hunah hian Mizorama zirlai thiam filawr te zinga space technology zir duh thlan chhuah dan tur leh an zir theih dan tur te an sawi dun a ni.

Governor Hari Babu Kambhampati chuan Mizorama zirlaite chu lehkha thiam thei tak leh hmundanga zirlaite el phaka thluak tha an ni tih a sawi a. Space technology pawh a zirna kawng a inhawn phawt chuan hlawhtling takin an zir thei turah angai tih a sawi a ni. Governor chuan Dr SK Prasad leh a thawhna hmuna thuneituten Mizoramah zirlai te tan Space Technology zir theihna hun remchang an rawn zawn sak chu lawmawm a tih thu a sawi a. Hemi kawngah hian ITCA hotute chuan Higher & Technical Education Department, Mizoram University, NIT Mizoram, Polytechnics, Science & Technology Department leh Science Teachers Association Of Mizoram berawn se. Anni nena indawrna kaltlang hian zirlai thiam thei zual zinga space technology zir duhte thlanchhuah a awlsam a rin thu a sawi a ni.

Dr SK Prasad chuan Prime Minister hmathlir angin India thalaite chu space technology lamah thiamna sang zawk nei tur leh India ram chu a hmahruaitu a nih theih nan chher hriam mek an ni a ti a. He hmalakna kal zelah hian zirlai team 75 te chu kumina project 75 thawk zo hman turin Students' Satellites 75 project hnuaiah satellite te chi(mini satellite) siam turin thlan an ni dawn an a ti. He project-ah hian India rama zirlaite zawng zawng an inel dawn a team 75 thlan an ni dawn a ti a. He project-ah hian Mizorama zirlaite tan pawh tel theihna hun a inhawng thei dawn niin a sawi a ni.

Dr Prasad chuan a lo kal chhan tak chu Higher Secondary atanga University Degree zirlaite tan Space Technology zirna an kalpui mek chu Mizorama zirlaite rawn hmelhriat tir a ni a ti a. Hemi kawngah hian Governor leh state sawrkar hotute thlawpna a rawn ngen bakah a bikin science lam zirna kaihhnawiha hotute thawhpuiah a rawn sawm tih a sawi bawk a ni.