1069/2022-2023
Aizawl the 28th June, 2022 : Vawiin khan Health & Family Welfare Department hnuaia Food & Drugs Administration chuan F&D hnuaia thawktute pualin ni hnih awh tur Two Days Review Meeting on Food & Drugs Programme chu Health Directorate Old Building Conference Hall-ah an tan.

He Two Days Review Meeting hi Pu Lalliantluanga, Deputy Director, Food & Drugs Administration-in a kaihhruai a. Pu Lalsawma, Joint Director, Food & Drugs Administration in kal khawmte lawmna thu sawiin, "Food & Drugs Administration chuan mipui ten ei leh in thianghlim, him leh rintlak an neih theihna tur te, damdawi leh a kaihhnawih bungraw rintlak mipuite tana chhawp chhuah a nih theih nan kawng tinrengah mawhphurhna lian tak an nei a. Heng mawhphurhna hlenchhuak tur hian inpekna leh hawihhawmna nen, rintlak taka thawh a pawimawh a ni," tiin thawktute chu an hmazawn theuha tih tak zetna nena thawk turin a fuih a ni.

Vawiina Review Meeting-ah hian Food & Drugs Administration hnuaia thawktu, Mizoram District hrang hrang atanga kalkhawmte hmaah thupui pawimawh thlan chhuah pathum hmangin F.Lalliantluanga Dy Director (F&D), Lalrinkimi Pachuau Food Safety Officer leh Dr.Lalnunpuii Pachuau Pharm D, ten Presentation an pe a ni.

He Review Meeting-ah hian Food & Drugs hnathawh hrang hrang te thlir leh sawiho a nih bakah hmalak zel dan tur te sawiho a ni a, naktuk June ni 29 hian chhunzawm leh a ni ang.