3417/2022-2023

Aizawl 31st January 2023: Mizoram Lokayukta Act, 2014 chhunga section 47 in a phut angin vawiin chawhma khan Pu C.Lalsawta, Chairperson, Mizoram Lokayukta chuan Governor Hari Babu Kambhampati hnenah Third Annual Report of the Mizoram Lokayukta (2021-2022) a hlan a. He Annual Report hian 1st April 2021 leh 31st March, 2022 inkar a huam a. He Third Annual Report of the Mizoram Lokayukta hi Mizoram Legislative Assembly-ah pharh a ni dawn a ni.

Mizoram Governor Hari Babu Kambhampati leh Pu C.Lalsawta, Chairperson, Mizoram Lokayukta hian inkawmna hun tha tak neiin Chairperson hian Mizoram Governor hnenah thil pawimawh chi hrang hrang hrilhin, Mizoram Lokayukta dinhmun leh hmalakna tlangpui a tarlang a. Mizoram Lokayukta hian tun dinhmunah infrastructure tha tawk a la nei lo a, thawktu mamawh zat pawh la nei thei rih lo mahse hna erawh tha tak leh tluang takin hna an thawk zel tih Chairperson chuan a sawi. Governor zawhna chhangin Pu C Lalsawta chuan case kal mek thenkhat a sawifiah a, ACB chhui lai mek te leh chinfel tawh te, an dinhmun leh thlen chin te a hriattir a ni.

January 31, 2023 thleng khan Mizoram Lokayukta hnuaiah case 47  ziahluh a ni tawh a. Heng zinga case 16 chu chinfel tawh a ni. Case kal lai mek 31 a awm a, heng zinga case 11 chu Preliminary Enquiry (PE) nei turin a inchiah mek a. Case 16 chu chhuizui turin ACB kutah a awm mek a ni.