3525/2024-2025

Aizawl, the 13th December, 2024: Kan hma lawka hunpui lo thleng tur Chrismas, 2024 leh Kumthar, 2025 pualin Mizoram Governor Dr. Hari Babu Kambhampati chuan vawiin tlai khan Aizawl Bishop Most Reverend Stephen Rotluanga chu a chenna Bishop House, Ramthar Veng, Aizawlah tlawhin duhsakna a hlan.

Dr. Hari Babu Kambhampati chuan zirna leh vantlang rawngbawl kawnga Catholic church-te hmalaknate fakawm a tih thu sawiin, zirna leh hriselnate hi hmasawnna kawnga pawimawh tak a ni, a ti a. Mipui tana an rawngbawlnate chhawmnung zel turin a sawm a ni.

He hunah hian Bishop Most Reverend Stephen Rotluanga chuan Mizorama an hmalaknate tarlangin, Governor-in a chenna hmun ngeia rawn tlawha duhsakna a hlan avangin lawmthu a sawi bawk.

Most Reverend Stephen Rotluanga hi Roman Catholic Diocese, Aizawla Bishop pahnihna leh Mizo zinga hetiang dinhmun thleng thei awmchhun a ni a; February ni 2, 2002 khan Bishop ni tura nemngheh a ni.