Mizoram Governor Lt.Gen.(Rtd) M.M. Lakhera, PVSM, AVSM,VSM chuan vawiin khan Department of Ayush, Government of India buatsaih AROGYA Mela a hawng. Hawnna inkhawm ah hian Pu V L Robiaka, Chairman ZIDCO leh Pu R L Pianmawia, Dy. Chief Whip an tel. He Mela hi Millenium Centre Rooftop ah neih aniin May 9 atanga May 12 a awh anga, zing dar 9.30-tlai dar 5 thleng a thlawna inentirna hawn thin ani anga, nitin zirlai tan Ayush lecture ngaihthlak theih ani bawk ang.

Governor chuan Mizoram a cheng mipui te hi an lo pung zel a, damdawi peng( allopathy) pakhat chiah hi a tawk tawh lova, damdawi peng hrang te pawh hman uar a hun tawh a ni a ti. Kan piputen ramhmul damdawi an hman thin hmang uar leh turin Governor chuan a chah a. Mizoram hi ram zau vak nilo mahse tlangram anih angin inkalpawh hi a harsa thin a, chuvangin kum dangah hetiang Health Mela hi Mizoram chhim lamah te pawh nghah thin nise Governor chuan tiin he mela hi Mizoram doctor ten hman tangkai a zir thei ang ang midangte zirtir chhawng leh turin a fuih.

Hawnna inkhawm ah Pu Lal Nghinglova, IAS, Secretary Health Service in inlawmna thusawiin Dr. C.Lalthanmawia, Director, Health Services in lawmthusawina hun a hmang.