Mizoram Governor Lt Gen (Rtd) MM Lakhera chuan vawiin khan 23 Sector Assam Rifles buatsaih Assam Rifles Ex Servicemen Rally 10 AR  auditorium a neih chu a hmanpui.

 

 

Governor chuan a ni pawh sipai bang a nih angin sipai bangte inkhawm a kal nuam a tih thu sawiin vawiina  lokal khawmte hian sawrkar laipuiin an hamthatna leh inenkawlna tur scheme leh programme hrang hrang a duang a, he scheme te ngaihvena hmang tangkai turin a chah a, thingtlang leh khaw dang atanga vawiina lokal thei lo te pawh inhrilh hre chhawng turin a chah bawk a ni. Governor chuan he rally hi hmang tangkaia an hamthatna tur thu pawimawh hriatnan te leh  an lungawi lohna sawichhuahna hun atan hmang turin a sawm a ni.

Brig AP Rai, DIG 23  Sector Assam Rifles pawhin thu sawiin Assam Rifles Ex Servicemen te chuan an harsatna leh mamawhte chu Sector emaw 10  Assam Rifles a thlen thin turin a sawm a. Vawiin rally ah hian sipai bang leh an thihsan hmeithaite 450 an kal a, Governor hian Cash Award for Gallantry a hlan a, a dawng te chu: LNk L.Vanngaia, Saurya Chakra, Rs.10,000; LNk Bevela (L) Saurya Chakra, Rs.10,000; H/Lt Liansiama, Sena Medal Rs 8,000; Hav Kharka Bahadur Gurung, Sena Medal, Rs 8,000 leh Rfn Ngurkhama, Sena Medal, Rs 8,000. Rally ah hian Major Sailo leh Capt Sandhya Medical Camp an nei a, Capt Chinmoy in Dental camp nei a bawk.

Tukin dar 9:15 khan AR ex-Servicemen hruaitute chuan Zodin Square-a Assam Rifles War Memorial-ah duty laia AR nun chan ta te zahna leh chawimawina pangpar an hlan bawk.