Mizoram Governor Lt.Gen (Rtd) M.M.Lakhera, PVSM, AVSM, VSM chuan vawiin khan Central Library, Mizoram University buatsaih Book Exhibition, Multi Purpose Hall, MZU a neih chu a hawng a, Prof AK Agarwal leh Bhartendu Singh ziah 'Understanding India's North East' a tlangzarh nghal. Hawnna inkhawm hi Dr.Lalremsiami, Asst. Librarian in a kaihruai.
Governor chuan miten India hmarchhak  hi buai vek tura an ngai hi pawi a tih thu sawiin, hmun tlem te tih loh chu India hmarchhak hi hmun ralmuang ber anih thu a sawi. Lehkhabu tlangzarh thar hian helai hmun hi India hmun dang miten  an hriat that leh zual nan hmang se a tih thu  Governor chuan a sawi bawk. MZU chuan an thiamna leh hriatna hmangin Mizoram hmasawnna tur atan thil tam tak an ngaihtuah chhuak thei a ni tiin state sawrkar nen tha taka thawk ho zel turin a chah.

Book Exhibition hian April 30 thleng a awh ang.