Vawiin khan Home Minister Pu R. Lalzirliana'n Aizawl Club a HSLC leh HSSLC, 2011 a top ten a tlingte chawimawina hun NSUI buatsaih a hmanpui.
Home Minister chuan zirlai tithate chu an hlawhtlinna a lawmpui thu sawiin anmahni kaihruaitu zirtirtu leh nu leh pate fakawm a tih thu a sawi a. Heng an hlawhtlinnate hi anmahni fuih thartu leh an hmalam hun kal zela an nun a tha zawnga kaihruaitu tangkai tak a nih chhunzawm zel a, chapona leh midangte hnuaichhiahna rilru pu hauhlo turin a chah a. Nu leh pate chawimawi hi malsawmna bul a ni tih an puitlin thlenga hrereng turin a chah a. NSUI te chu chawimawi phute chawimawina chang an hria chu fakawm a tih thu a tarlang bawk a ni.
He huna thusawitu dang Parliamentary Secretary Pu Chawngtinthanga chuan zirlaite chu an lo than len hunah khawvela thil harsa tak tak, an dam khawh chhuahna tura paltlang tur an la tawng dawn chauh a ni tih hria a, hmachhawn thei tura chakna an lak hunlai hian thahnemngai taka, inthlahdul hauhlo a tang fan fan turin a fuih a. Zirtirtute pawh zirtir hna hi mipui rawngbawlna thianghlim a ni tih hria a, dawngdah hauhloh a thahnemngai taka thawk turin a fuih a ni.
He huna thusawitu dang Parliamentary Secretary Pu Chawngtinthanga chuan zirlaite chu an lo than len hunah khawvela thil harsa tak tak, an dam khawh chhuahna tura paltlang tur an la tawng dawn chauh a ni tih hria a, hmachhawn thei tura chakna an lak hunlai hian thahnemngai taka, inthlahdul hauhlo a tang fan fan turin a fuih a. Zirtirtute pawh zirtir hna hi mipui rawngbawlna thianghlim a ni tih hria a, dawngdah hauhloh a thahnemngai taka thawk turin a fuih a ni.
