Mizoram chhunga rel kawng sial hna enpui tura din State Level Task Force te chu vawiin khan a Chairman Pu Zasanga kaihhruaiin I & PR Conference Hall ah an thukhawm a. Sairang thleng rel kawng kal tirna tura hmalakna hrang hrang leh hmachhawp an sawi ho a ni.

Vawiin thutkhawmah hian NF Railway atangin an hmalak chin ngaihthlak a ni a. Sairang thlenga rel kawng sialna tur survey tlangpui tih zawh tawh anih thu te; sum mamawh zat tur cheng vaibelchhia 2384.34 chu thehluh mek anih thu te; ram leilung ruahman dan leh location survey te pawh peih fel anih thu te tarlan a ni a. Hetih lai hian Forest Clearance erawh lak a la nih loh avangin chumi tur chuan Railway, DC Aizawl and Kolasib, Revenue leh Forest Department te nen a huhoa enthlithlai tur Joint Verification Team buatsaih nise. Hemi atang hian he rel kawngin mimal ram a khawih tur chungchang uluk zawka thlithlai dan leh hmalak zel dan tur chak taka bawhzui zel nise tih an rel a ni.