2126/2022-2023
Chhiahtlang, the 30th September 2022: Governor Hari Babu Kambhampati chuan vawiin chawhnu kha PMUY atanga Gas Connection nei thar te leh PMAY(U) atang chenna in nei thar chhungkua te chu an inah a tlawh a. An scheme dawn te tha an ti em tih te, heng scheme dawng tur hian harsatna an paltlang em tih leh an thil tawn te a zawt a ni.

Governor chuan Gas connection la nei lo, neih tum te tan PMUY scheme buaipui naah harsatna an tawk em tih te a zawt a. Beneficiary te hian sawrkar leh gas agency ten tha takin an dilna te an lo buaipui sak tih an sawi a. PMUY scheme hnuaiah hian Gas connection nei thar tam tak an awm belh zel nia an hriat thu te pawh an lo sawi bawk a ni.

PMAY(U) tanpuina atang chenna in sa thar te pawh a tlawh a. Hengah hian Beneficiary te chuan sawrkar tanpuina kaltlang chenna in tha tak an nei thei ta chu lawmawm an tih thu Governor hi an lo hrilh a ni.

Governor Hari Babu Kambhampati chuan Central atanga Welfare Scheme tam tak te leh social security scheme tha tak tak chungchang te tun aia nasa in mipui nawlpui zawk hnenah zirtirna pek a la ngai tih a sawi. Heng hmalakna tha tak tak leh hamthatna awm thei te hi tunah hian a dawng tur zatin in an la dawn a rinawm lo hle a. Heng scheme kaihnawih department a Sawrkar hnathawkte leh Banker ten mawhphurhna pawimawh tak hlen tur an nei a ni a ti.

Chhiahtlanga beneficiary te dinhmun a endiknaah hian Governor hi Pu Lalmuansanga Ralte, Addl DC, Serchhipin a kalpui a ni.