Mizoram Governor Pu Vakkom Purushothaman chuan vawiin khan Hnam Chhantu Pawl Handloom & Handicrafts Show Room-cum-Training Centre Pu C.Pahlira (L) Building, Upper Republic-ah a hawng.

Governor chuan Mizoramah hian lehkhathiam tam viau mahse sorkar hnathawh turin a daih dawn lova, chuvangin mahni kutke-a ding thei turin kan inzirtir a hun tawh a ni a ti a, Pu R.Ramhmangaiha’n hetiang ang zirtirna hmun a buatsaih chu fakawm a tiin an thil siamte chu ram pawn lamah tam zawka thawn chhuah anih theih nan theihtawp chhuah zel turin a chah.

Hnam Chhantu Pawl hi March ni 3, 1994 khan din a ni a, an tum ber chu Mizo hnam rohlu, hnang tah chi hrang hrangte vawng nunga, Mizote nihphung leh awmdan, culture leh tradition-te vawn nun reng a nih theihna tur leh, Mizoram rawn tlawhtu khualzinte hnena hnam zia-rang lang chhuak thei, thilsiamte an lei ve theihna turin he pawl hian Show Room hi a buatsaih a ni.