Mizoram Governor Dr. Kamla chuan vawiin khan Durtlang-a Hermon Children’s Home a tlawh a, Rs. 20,000/- (Cheng sing hnih) leh naupang eitur a hlan. Governor chuan naupangte chu an hlim hmel a hmuhin lawmawm a tih thu a sawi a, naupangte chu ram leh hnam nghahfak an ni tih hrerengin theihtawpa an zirlaite ngaipawimawh turin a fuih. He Home enkawltute chu an hnathawh ropui a tih thu sawiin naupang chanhaite tana an inpekna chu fakawm a tih thu a sawi.

Vawiin inkhawm hi Rev. Lal Rinmawia, Executive Secretary, Zoram Evangelical Fellowship (ZEF)-in a kaihruai a. Hermon’s Children Home hi February ni 17, 1979 khan din a ni a, tunah hian naupang 77, hmeichhia 29 leh mipa 48 an awm mek a ni.

Governor hi a Secretary Pu Manoj Kumar, IAS leh ZEF puipaten an tawiawm a ni.