Vawiin  khan Mizoram Govvernor thar Pu Lt. Gen (Retd) Nirbhay Sharma, PVSM,UYSM,AVSM,VSM chuan Horticulture Fair 2015  Assembly Secretariat Annexe a neih mek chu a tlawh.

Governor chuan  Fair a stall zawng zawng a tlawh kual bak ah huan thlai siamna kawng zirtirna dawng tura farmer kal khawmte pawh a tlawh nghal, pangpar chi hrang hrang Mizoramah a awm rinphak lohte a hmuh te, thlai leh thei chi hrang hrang a bik takin Serthlum leh Kawlchaw theihai te phun tur hrisel leh tha Mizoram thar chhuah a ni chu lawmawm a tih thu a sawi a ni. Governor hi Horticulture Minister Pu PC.Lalthanliana, Pu K.Lalrinthanga Parliamentary Secretary, Pu B.Lalhmingthanga Secretary  leh Horticulture Director Pu R.Zotawna leh Horticulture Officer ten an lo dawngsawng a ni.

Horticulture Fair vawi 4-na hi mipuin an hlut hle a, Horticulture Department in fair a buatsaih chhan thlai chi hrang hrang leh pangpar lam chi te phun tur siam chhuaktu te leh huan  lama tui mi, thlai phun tur tha lei tur zawngtute tan remchang siam sak leh ram hmul thei leh pangpar variety thar a mamawhtute tan a pho chhuah a nihna angin thei,thlai, pangpar leh a dangte a chikim hle a ni.