NSS Cell, Mizoram leh Rajiv Gandhi National Institute of Youth Development, Sriperumbudur,Tamil Nadu bultum Inter State Youth Exchange and Home Stay Programme chu Dt 18.4.2011 khan Youth Hostel,Luangmual-ah a hawnna hun hman a ni. Mizoram  Governor Lt.Gen.( Rtd ) M.M Lakhera, PVSM, AVSM, VSM chu khuallian niin he programme hmangtute zawng zawng te chuan he hun hi hmang tangkai a, inthian thatna, inhriatthiamna te leh inunauna chher chhuak turin a fuih. Mi zawng zawng hi  an thatna lam chiah en a tun aia inpawh turin Governor chuan a chah bawk a ni.

Pi Esther Lalruatkima,IRS, Secretary Education chuan Presidential address a pe a,  thangthar ten  rilru in hawng tak pu turin a chah a. Programme hmang tur hian Pu S.K. Sawhney, Dy Programme Adviser, NSS Hqrs, New Delhi ,Pu Dipak Kumar, Youth Officer, NSS regional Centre(NER) Guwahati leh Dr.K. Sekhar, Faculty Head, RGNIYD  te an lo tel a ni.

He programme-ah hian India ram state hrang hrang Andhra Pradesh, Chhatisgarh,Himachal Pradesh,Karnataka, Jharkhand, Kerala, Maharashtra, Pondicherry,Tamil Nadu atangin NSS Programme Officer leh volunteer mi 180 an lo tel a, ni 18-26 April 2011 chhung neih tur a ni a, cultural programme, trekking, sight seeing bakah state pawn atanga lokalte hi Mizoram NSS volunteer ten ni hnih chhung an inah an mikhual dawn a ni. He programme in a tum ber chu India ram thalaiten inpawh tawnna tha zawk an neih a, hnam nun ze hrang hrang inhriattawn nan leh khawsak phung inchhim tawn nan a ni.

He programme a rawn tel zawng zawng te hi Highland Chevrolet ,Mizoram leh Pu Zodintluanga, Sports Minister ten T-shirt  an pe a, Pu Lalrinliana Sailo, Health Minister-in thosilen a pe bawk a ni.

NSS,Mizoram hnuaiah hian zirna in hrang hrang 71 awmin, Volunteer 23100 an awm a, NSS te hian khawtlang tana thil tangkai tak tak - thisen pek, thingphun,waiting shed siam, zun in siam leh faina lam kawng inzirtirna hnate an thawk thin a ni. Tuna State Liaison Officer ni lai mek chu Pu Darchuailova Renthlei a ni.