UD&PA Department hnuaia State Investment Program Management Implementation Unit (SIPMIU) chuan PSP Financial Consultants Pvt. Ltd., Kolkata leh GHK Consultants India Pvt. Ltd., New Delhi  tangdun te chu Institutional Development onsultant (IDC) atana thuthlung April 4, 2011-a a lo ziahpui bawhzuiin vawiin atang khan hna an thawk tan ta.
Hemi puala inkhawm I&PR Auditorium-a vawiin chawhnua neihah chuan IDC Team Leader Pu P.K.Chakraborty, Principal Consultant Pu Sumitabha Ray, AMC Chairman Pu C.T.Zakhuma leh AMC CEO Pu Nghaklianmawia ten an thawhho dan tur chungchangah thil pawimawh hrang hrang an sawi hlawm a. He thawhhona kum 3 chhung neih tura ruahman kalpui dan tur leh Aizawl Municipal Council lam mawhphurhna tur chin te pawh vawiin inkhawmah hian sawilan a ni a. Tun dinhmunah Aizawl khawpuiah hian mihring 3,12,837 an awm mek a, hmeichhia tam zawk niin 158593 leh mipa 154242 an ni.

IDC te hian North Easter Region Capital Cities Development Investment Program (NERCCDIP), JNNURM leh 13th Finance Commission Program-a Reforms hrang hrang Aizawl khawpui enkawltu tur Municipality neih te, tui supply chungchanga intodelh theihna tur te, tui chhia leh bawlhhlawh sawngbawl chungchanga tih that zawkna tur ruahmanna te leh sum leh paia intodelh theih zawkna tura hmalakna te hlawhtlin tirna kawngah Mizoram sorkar, Aizawl Municipal Council leh department kaihhnawih te a thawhpui dawn a ni.