Vawiin chawhma dar 11:00 khan Lunglei Bazar venga Parallel Road leh chuanhnuai kawngpui zawmtu Link Road, Mahatma Gandhi NREGS Road tih hming phuah chu LAD Minister P. C. Lalthanliana'n a hawng. He kawng hi meter 31\2  a zau, Meter 230 a sei Rs. 39,99,988/- senga Bazar veng V/C ten Metirial component leh NREGS work component an hmuh atanga siam a ni. Hawnna inkhawm  Bazar veng VCP Pu V.L. Nghaksanga'n kaihruai ah hian Lunglei DC Pi M. Zohmingthangi IAS leh khawtlang hruaitute an tel a ni.
Minister chuan kawng hawn tak ah hian Model work tih a phu in a that thu a sawi a, Central sawrkar-in local body te a ngaipawi mawh a an kut ah khawtlang tana rotling siam theihna sum a pe thin a ni a ti. 13th Finance Commission in Village Council te kut ah sum tam tak a pe mek zela a hei hi V/C khawtlang hmangaih tawk lo te chuan mahni in chhek len nan an hman mai a hlawhawm a, khawtlang tana rotling hna a lo puitlin theih nan hian monitoring Committee leh khawtlang mipui ten V/C te an thawh pui a tul ani a ti.

Minister hian tukin zing khan bazar venga Community hall tlawhin a sak chhunzawmna tur Rs.12,00,000/- central tanpuina social welfare Deptt. kaltlanga ruahman anih thu a sawi bawk.